APERET
(oc e fr plus bas)

Libertat ! (esquèrra revolucionària d'Occitania) qu’apèra tots los moviments, sindicats, partits, associacions, collectius, actors de la vita sociau o personas, a sostenir la nosta organizacion de cap tà la hurgada politica organizada per l'Estat francés.

En efèit despuish mantuns mes e a mantuas represas (5 convocacions) sòcis de Libertat ! que son estats convocats per la policia e un camarade que passerà dabant lo tribunau lo 17 d’octobre de 2014 a 8ò45 a Pau. Aqueth procès que segueish las violéncias policièras qui’s debanèn a Pau au parat de la Hèsta de la musica de 2014. La policia qu’a violentament atacat ua hèsta de la musica, organizada per la Tor deu Borrèu, lòc politic e associatiu de Libertat ! dens lo barri deu Hedàs. Aquera trucassada, shens diplomacia ni somacion deus "guardians de la patz", que s’ei acabada per preson ferma entà duas personas e un ajornament entà duas autas personas presentas pendent la hèsta, n’ei pas un azard tà nosautes.

Lire la suite : Procès LIBERTAT/Tor deu Borrèu 17 oct